Reseña

Antígona péina ñamoñe’ëkuaa sapy’a guaraníme, Cristhian Encina rembiapo katupyry rupive. Ko’äichagua moñe’ërä ñaikotevë guaraní ñe’ëme ikatu haçua jaipyso mbareteve guaraní ojehaipyréva rekove. Iporäiterei ningo hína tove paraguaiguakuéra tohechakuaa ikatuha opaiteichagua jehaipyre jaguereko avei ñane avañe’ëme, ha upéicha anivémati ojeapo’ise guaraní ha iñe’ëharakuérape, heta jevy oikoháicha.
Antígona oikuaauka kuña pyapy rekove; ohendonde’a kuimba’e pokatu hetämeguáva, oikuaahápe hína ohupytytaha ichupe ipochyro ruguaikue. Ikypy’ýpe jepe omboyke nomoirüi rupi ichupe imba’epotápe…

Romeo ha Julieta mborayhu oçuahë ñandéve siglo XV guive ko siglo XXI peve. Hyepýpe noñemombe’úi hekovekuéra rehegua añónte; jepeve hembiasa asy hikuái, jaikuaa avei hesekuéra rupive mba’éichapa ra’e ojeiko ymave, mba’éichapa oñeñe’ë, mba’épa ojeguerohory ha oñemomba’e ha mba’éichapa oñemboheko upe sociedad ha’ekuéra oikohaguépe.
Encina ipyapy ha ikatupyry; hembiapo omimbi ha ojajái, ipu’akávo temimo’ä heñoiva’ekuére ingles pe- ñe’ë ha’e oipuru ha oikuaa poräva avei guaranícha- ombohasa haçua guaraníme, ohechaukávo ko ñe’ë kóva ikatuha ojevale ijehe oikuaauka haçua pe ingles ymaguarépe oje’e ypy va’ekue, guaraníme hesakä porähánte avei, ha ikatuha ñandejuruvy ikatúrema ñamoñe’ë Romeo ha Julieta ñane avañe’ëme.

Karai haihára Alcibiades Gonzáles del Valle ohai “San Fernando”, peteï teatro omombe’úva ñane retä rembiasakue ñaneñopü asýva rehegua, ojehuva’ekue ary 1868 jave, Guerra Guasu aja. Ha’e ohai karaiñe’ëme ha karai Cristian Encina ombohasa avañe’ëme, ikatu haçuáicha opavave paraguaiguáva ñamoñe’ë térä jahecha ha ñahendu ko teatro guaraníme.

María Gloria Pereira (Mburukuja)