Reseña

Pyhare Pytü ningo peteï novela haihára ha mbo’ehára Feliciano Acosta, Terekuára papýva Academia de la Lengua Guarani-pe ohaíva guaraníme, omombe’u haçua ñandéve ñane retä rembiasakue huguy syrýva gueteri ko’açaite peve: mba’éichapa ohasa asy umi ñande retäygua oñombyatyva’ekue omba’apo haçua oñondive, ojoykerepa mba’e porä ohekávo opavavépe çuara Ligas Agrarias rupive. Ikerayvoty rekávo, heta omano ha oï ipy’a perepáva oikovévo gueteri ñandeapytépe.
Mba’etémambo, mbo’ehára Feliciano péichaite peve opoko pypuku ñande remiandúre ñanemomandu’ávo ñane retäygua rembiasa asýre, ñanemopirï ha ñanembohesaypáva jahechávo mba’éichapa ojejuka, ojejahéi, oñepyrü ñande rapicha Ligas Agrarias-pe oikehaguére omba’apo. Ndaikatúi ñanderesarái peichapéichante ko ñane retä rembiaságui, ha hi’arive guarani ñe’ë ñanemokyre’ÿva, hi’açuiva ñandehegui ha he’ipaitéva he’iséva rupive. Guarani porä, hesakä ha overa hendýva rehegua oipuru hekopete mbo’ehára Feliciano.
Pemoñe’ëmíkena ko aranduka. Paraguaiguáva ndaikatúi ndoguerekóivo hesa renondépe ko Feliciano Acosta ñanemomandu’áva Pyhare Pytü rupive.