Reseña

Paleografía niko pe jehai rehente ojejesarekóva, heta oĩ oimo’ãva Filología, mokõive ojoavy ojoehegui, peteĩhapegua oje’ehaguéicha ojesareko jehai rehe ha mba’éichapa iñambue ohóvo, ambuékatu ojesareko pe jehaipýpe mba’épa oĩ, taha’e tavarandu, tembiasa ha ambue mba’e.
Péva he’ise ojejesarekova’erãha peteĩ kuatiáre ha oñemboheko ha oñembojoja hag̃ua ojeporu hetaichagua aranduka. Oñemotenondévo ñe’ẽporãhaipyre jehecháramo tuichamba’e oñeikũmby hag̃ua ojejeporekaha. Oipytyvõ ojehecha hag̃ua umi apañuãi ko’ág̃a ojeguerekóvape guarani ñe’ẽme, hetaiterei oĩ pe Guarani jára, iñe’ẽguarani’ypy’ỹva ha oimo’ã oikuaapáva, térã oimo’ã oñemoaranduhaguére oikuaapávamava ha ñemboty pe ha’e he’ívape, ojehesa’ỹijóramo Paleografía rehegua ko’ã mba’e oñemyesakãkuaa ha oñeikotevẽ peteĩ kuaapy ojeipysóva mombyryve, ndojejesarekóiva’erã peteĩ aranduka rehente, ko’ápe oike ñe’ẽasahára, avakuaatyhára ha ñe’ẽñeikũmbyhára, noñeikũmbýiramo pe “contexto textual” ndaikatumo’ãi ojejapo ñeikũmby ha ñe’ẽasa, upéva rehe oñemba’apóta jave ojeporúma filología ko pa’ũme ha avei ñe’ẽkuaaty tuichaháicha. Ko’ág̃a ko aranduka ojeheróva “Filología y Paleografía Guaraní, Similitudes y Diferencias” ombokuatiáva Elva Mariela ohechauka mba’éichapa iñambue umi mokõi tembikuaa, filología ha paleografía ojoavy ojohegui ha omyesakã ombohechapyrãvo mba’eichaitépa oñemba’apova’erã peteĩteĩ hesekuéra.
Péva niko tembiapo ojeguerekóva peteĩha, upéicha avei oñemoñe’ẽ ha oñeikũmby hag̃ua tekotevẽve ojeho takykue gotyo, ojeguerujey umi ñe’ẽ’yma ojeporuva’ekue. Tekotevẽterei ojeguereko peteĩ jehekombo’e ojeguata hag̃ua hesete, aranduka oñemba’apo hag̃ua ko’ã kuatiáre hembypa, ojeguereko digital-pe, upéva ombohasy’ỹve tembikuaareka ãichagua.
Elva Yambay-pe, aguerohory oñembopy’aguasúre omba’apo hag̃ua guarani ñe’ẽ rembiasáre jehaipy rupive.