Reseña

Ko ñe’ẽasa guaraníme, Dominga Vega rembiapokue, aranduka karai Victorio V. Suárez rehegua, ñandegueraha peteĩ táva korasõ mbytépe, ojeahoʼivaʼekue pyʼatytýi ha kyhyjégui. Peteĩ ñe’ẽsyry iporãitereíva ha hypyʼũva rupive, ko kuatiañeʼẽ omombeʼu peteĩ mbaʼe añeteguáva: apañuái angapykuaa ñembyai oiko vaʼekue táva Torres Kuépe, peteĩ mitã noñeñotýi haguére hekopete, oñemoĩ yvyguýpe teraʼỹre ha ñemongaraiʼỹre. Upeguive, mbaʼeve ndopytavéima jepiguáicha pe távaʼimi oikómivaʼekue pyʼaguapýpe: tavayguakuéra ikoʼẽnte hasypa mbaʼeveʼỹre, mymbakuéra okañy ohóreipa, ha mayma tapichakuéra itavyraipa. Kóva haʼe peteĩ tembiapo pypuku ha mbarete, oñehaʼãva ohesaʼỹijo ñandéve apañuái angapyhy ñembyai atyguasupegua, upépe, ikatuhápe ñeʼẽ añoite oipeʼa jey pe okẽ ojevy hag̃uá mbaʼe vai.