Reseña

Carlos Antonio Ferreira Quiñónez, che irũ, mbo’ehára katupyry ha ñe’ẽmbohasahára Guaraníme; hetaite hembiapokue porã ojekuaáma opa rupiete, Ayvuryru, Guarani Tesãirã ha Guaraní Jurídico hetave apytépe.

Guarni Ñe’ẽ Rerekuapavẽme avei oheja ipypore ha iñapytu’ũ reñoingue; hákatu ñe’ẽsyry apópe ko’ág̃a ae oñepyrũ oka’api, hasýpe iñakãraku ha upevarã ojepovyvy ñe’ẽ retãme ha oiporavo umi hesakã ha ojeporuvéva ogapy rupi, ikatuhag̃uáicha mitãnguérape hesakã ha omoñe’ã syryrýpe porã.

Mombe’u mokõi ñe’ẽme niko pe hembiapo ypy ha upépe omombe’u hembihechakue omono’õva’ekue oikooikoha rupi, ha omoirũ hemiandúpe, mitãnguéra rayhupápe. Gan ha Mimbi, Mba’endy rerekua, Mba’yrumýi ipapapýva 8 oñeimo’ã’ỹva, Mba’e rendy rerekua ha Ka’aguy mymba, Mba’e rendy rerekua ha umi jaguara’y ka’aguygua, Mba’e rendy rerekua ha Mitã Guasuviragua, Mba’e rendy rerekua ha Yvyra rekove, Mba’e rendy rerekua ha Arayvoty Ãnga, Ka’aguy ñanerenóirõ, Ñembo’e Jeroky, Mitãkuña pyharememby, Mba’e rendy Rerekua ha Mimbi, Ára Ñe’ẽnguéra, ijapu’a asy ko Carlos Antonio rembiapo, mbegue katu ha hekópe omono’õva’ekue ohóvo mitã ha iñe’ẽkõ rayhupápe.