Reseña

Ko jehaipy ñamoñe’ẽkuaa peteĩteĩva térãkatu hysyiháicha kuatia roguére ojoapykuéri, oñemboapu’a rehe hesekuéra apytu’ũ roky. Ko’ã mba’e oñemombe’úva ha’ete yvapurũ, opororo ha hi’ajúva imátare. Péicha ko mombe’u’aty. Ipype umi ñe’ẽ ojepyaháva omoha’ãngapavoi umi oikóva, ojegueroviáva, oñeimo’ãva, ojehecháva, yvypóra oñemba’eporandúva, omboguatávo hekove, oipyguara jave ipy’a, iñe’ã, hi’angapy ha iñapytu’ũ.
Añetehápe ko mombe’upy Ita Mandyju ha Ita Mandyjugua reko ha jeiko rehegua iporã jahéi. Ndaha’éi umi omombe’úva añónte iporãva, pe ha’e omombe’uháicha ijukyetemi. Ko’ápe jajuhu upe tapicha ombojeroky retia’éva guarani ñe’ẽ. Oiporumahágui herekuávo iguyguivoháma
ombosaraki, oñembosarái ñande rapicha iñe’ẽ, ikũ apýragui okukuipareíva rehe.