Reseña

Aranduka niko ja´uva´erã. Hi´upy héva niko ikatúva ñambohasa ambue hetéva ñandéichape, Ha avei mitãkuimba’e ha mitãkuña onaseramóvape.
Japáy ypy guive ko yvy ape ári ñama´ê, japuka,ñañe´ê,japoko, ñahetû, japurahéi, japopo ha ñañembosarái. Heê, añete, ha sapy´ánte ñanerasê kamby aku asymíre, tekotevêtérõ. Ñande niko umi pa´û jára ha ñande ñamboheko ha ñambosa´ýva jaipotaháicha . sapy´ánte oimeraêva árape ñande resa jeka guasu renondépe osêma katu haiha, kuatia, kuatiahai ha aranduka.
Ñañepyrûma upéi jajuhu opaichagua pio pio ko yv ape ári he´iva´ekue guyrakuéra. ¡Ha upépe ikatúma jahecha tai oñembosa´ýva, oñemoha´angáva, ambue mymba, ñana ha yvypóra ñe´ê! Ñañepyrûma jaikuaa yvytu ryapu ha´ete voíva opakuaa´îva ojehai rire.
Vy´a tuicháva niko hína pe ñamoñe´ê, ñañemohembi´úrõ umi mba´e ohasava´ekuére ohechaukáva mba´eichaitépa osyry ohóvo ñande rekove, mba´épa hína ko Arapy; jaikuaávo katu, umi ikatu´ÿetéva jepe oñemoañete ñandéve. Mba´evégui nañanderesaraivéima ha pe ñe´ê porãita omohe´ê ára hungýva: ñanembopukavypa rei, ha ñanembopukavy pyahu.
Nila López